Астана қаласының Дін істері жөніндегі басқармасы

«Астана қаласының Дін істері жөніндегі басқармасы» мемлекеттік мекемесінің миссиясы:

Астана қаласындағы діни бірлестіктермен өзара іс-қимыл, азаматтардың діни сенім бостандығы құқығын іске асыру және конфессияаралық келісімді нығайту саласындағы мемлекеттік саясатты тиімді жүзеге асыру.

«Астана қаласының Дін істері жөніндегі басқармасы» мемлекеттік мекемесінің міндеттері:

діни бірлестіктермен өзара іс-қимыл, азаматтардың діни сенім бостандығы құқығын іске асыру және конфессияаралық келісімді нығайту саласындағы мемлекеттік саясаттың негізгі бағыттарын қалыптастыру және іске асыру жөнінде ұсыныстар әзірлеу;

діни бірлестіктердің, діни білім беру ұйымдарының, миссионерлердің қызметі және азаматтардың діни сенім бостандығы құқығын іске асыру саласындағы үдерістерді талдау және олардың нәтижелерін жинақтап қорыту, жан-жақты және объективті зерделеу;

конфессияаралық қатынастарды нығайту және дін саласындағы жергілікті атқарушы биліктің барлық құрылымдарының бірыңғай стратегиясын қалыптастыру және үйлесімді қызмет ету;

сыбайлас жемқорлыққа қарсы күресуде тиімді бірыңғай мемлекеттік саясат жүргізу;

Қазақстан Республикасының сыбайлас жемқорлыққа қарсы іс-қимыл туралы заңнамасының нормаларын сақтау;

гендерлік және отбасылық-демографиялық саясатты жүзеге асыру;

қызметкерлерді қызмет бойынша жоғарылату және жұмысқа қабылдау барысында гендерлік теңгерім нормаларын сақтау.

«Астана қаласының Дін істері жөніндегі басқармасы» мемлекеттік мекемесінің функциялары:

азаматтардың діни сенім бостандығы құқықтарын қамтамасыз ету және діни бірлестіктермен өзара іс-қимыл саласындағы мемлекеттік саясаттың негізгі бағыттарын қалыптастыру мен іске асыруға қатысу;

жақын және алыс шетелдердің тәжірибесін зерделеу және діни бірлестіктермен өзара іс-қимыл саласында халықаралық және аумақтық байланысты кеңейту;

өңірдегі діни ахуалды зерделеп, оған талдау жүргізу;

діни әдебиеттерді, діни мақсаттағы заттарды зерделеу және талдау;

өңірде құрылған діни бірлестіктердің, миссионерлердің, рухани (діни) білім беру ұйымдарының, қайырымдылық мекемелері мен қорлардың қызметін зерделеп, оған талдау жүргізу;

уәкілетті органға Қазақстан Республикасының діни қызмет және діни бірлестіктер туралы заңнамасын жетілдіру жөнінде ұсыныстар енгізу;

діни қызмет саласындағы мемлекеттік саясатты іске асыру;

құқық қорғау органдарына Қазақстан Республикасының діни қызмет және діни бірлестіктер туралы заңнамасын бұзатын жеке және заңды тұлғалардың қызметіне тыйым салу жөнінде ұсыныстар енгізу;

Қазақстан Республикасының діни қызмет және діни бірлестіктер туралы заңнамасын бұзу фактілеріне қатысты жеке және заңды тұлғалардың өтініштерін қарау;

Астана қаласы әкімдігінің (бұдан әрі – Әкімдік) діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналасуын бекіту жөніндегі актілерінің жобасын әзірлеу;

ғибадат үйлерінен (ғимараттарынан) тыс жерлерде діни іс-шаралар өткізуге арналған үй-жайлардың орналасуын келісу;

ғибадат үйлерін (ғимараттарын) салу, олардың орналасатын жерін айқындау, сондай-ақ үйлерді (ғимараттарды) ғибадат үйлері (ғимараттары) етіп қайта бейімдеу (функционалдық мақсатын өзгерту) туралы шешімді келісу;

діни бірлестіктерді құруға бастамашы азаматтардың тізімдеріне тексеру жүргізуді қамтамасыз ету;

миссионерлік қызметті жүзеге асыратын адамдарды тіркеу;

азаматтардың діни сенім бостандығы құқықтарын іске асыру саласындағы орын алып отырған үдерістерді зерделеу мен нәтижелерін жинақтап қорыту және талдау;

конфессиялық саясатқа қауіптерді болжау және бейтараптандыру жөнінде ұсыныстар әзірлеу.

толеранттық және конфессияаралық келісімді нығайту саласында ақпараттық-насихаттық шараларды ұйымдастыру және жүзеге асыру;

Басқарма құзыретіне жататын мәселелер бойынша жергілікті деңгейде түсіндіру жұмыстарын жүргізу;

Қазақстан Республикасының Үкіметі жанындағы Діни бірлестіктермен байланыстар жөніндегі кеңеспен өзара іс-қимыл орнату;

Қазақстан Республикасының «Діни қызмет және діни бірлестіктер туралы» Заңында көзделген талаптардың орындалуын бақылау;

Қазақстан Республикасының дін саласындағы заңнамасының бұзылуы анықталған жағдайда әкімшілік құқық бұзушылық туралы хаттамалар жасау, кейіннен оларды сот органдарына беру;

мемлекеттің дін саласындағы бірыңғай саясатын жүргізу мәселелері бойынша мәдениет, бұқаралық ақпарат құралдары, діни конфессиялар, жастар, қоғамдық және басқа да бірлестіктермен өзара іс-қимылды жүзеге асыру;

Астана қаласының әкіміне (бұдан әрі – Әкім) толеранттық пен конфессияаралық келісімді және басқа да мемлекеттік бағдарламалық құжаттарды түсіндіру және насихаттау жөніндегі шаралар туралы тоқсан сайынғы жиынтық ақпаратты дайындау;

діни бірлестіктер басшыларымен миссионерлік қызмет, діни материалдарды тарату, ғибадат ғимараттарынан тыс жерлерде діни іс-шаралар өткізуге арналған үй-жайлардың орналастырылуы, діни ахуалға мониторинг жүргізу, миссионерлерді тіркеу мәселелері бойынша өзара қарым-қатынасты қамтамасыз ету;

Қазақстан Республикасының заңнамасында көзделген басқа да функцияларды жүзеге асыру.

«Астана қаласының Дін істері жөніндегі басқармасы» мемлекеттік мекемесінің құқықтары мен міндеттері:

Әкімдік пен Астана қаласының мәслихаты бекітетін бағдарламаларды әзірлеуге қатысу;

Басқарманың құзыретіне жататын Әкімнің және Әкімдіктің актілерінің жобаларын дайындау;

жергілікті атқарушы билік органдарының қызметі нәтижесі бойынша сараптамалық, талдамалық және жиынтық жұмыстарды жүргізу, дін саласындағы жұмыстарды жетілдіру жөніндегі ұсыныстарды қарастыру;

мемлекеттік органдардан және лауазымды тұлғалардан, басқа да ұйымдар мен азаматтардан өз функцияларын жүзеге асыруға қажетті ақпаратты белгіленген тәртіппен сұрату және алу, Басқарма құзырына жататын мәселелер бойынша құжаттар әзірлеуге мемлекеттік органдардың және басқа да ұйымдардың қызметкерлерін тарту, тиісті ұсыныстар әзірлеу үшін уақытша жұмыс топтарын құру;

діни бірлестіктердің қызметі мен оларды құру және конфессияаралық келісімді, сондай-ақ азаматтардың діни сенім бостандығын қамтамасыз ету саласындағы нормативтік құқықтық актілерді әзірлеуге ұсыныстар енгізу;

өз құзыретіне жататын мәселелер бойынша құқық қорғау және өзге де мемлекеттік органдармен өзара іс-қимыл жасау

Басқарманың құзыретіне кіретін мәселелер бойынша мәжілістер, семинарлар, конференциялар, «дөңгелек үстелдер» және өзге де отырыстар өткізу;

қызметтің бағыттары бойынша консультативтік-кеңесші органдар (жұмыс топтарын, комиссияларды, кеңестерді) құру.

Телефон: 8(7172)55-04-36

Адрес: Астана қ.  Бейбітшілік қ. 11 каб 742

«Астана қаласының Дін істері жөніндегі басқармасы»

мемлекеттік мекемесінің штаттық құрылымы