«QAMQOR-ASTANA» қоғамдық қоры мен Астана қаласының Дін істері жөніндегі басқармасының қолдауымен 2026 жылғы 26 мамырда, «Заң және тәртіп» қағидаты мен «1 – маусым Балаларды қорғау күні» аясында, Астана қаласында «AQNIET» қоғамдық қорының ұйымдастыруымен, «Қазақстан Республикасы ІІМ Басқару академиясының базасында мемлекеттік қызметшілерге арналған «Кәмелетке толмағандар арасындағы діни экстремизмнің алдын алу: заманауи қауіптер мен қарсы іс-қимыл әдістері» тақырыбында оқыту семинарын өткізді.

Іс-шара кәмелетке толмағандарды деструктивті діни ағымдар мен экстремистік идеологияның ықпалына тарту тәуекелдерінің алдын алу бойынша профилактикалық жұмыстың тиімділігін арттыруға, сондай-ақ осы саладағы ведомствоаралық өзара іс-қимылды жетілдіруге бағытталды.

👥 Семинар жұмысына ювеналдық полиция бөлімшелерінің, ІІМ экстремизмге қарсы іс-қимыл бөлімшелерінің қызметкерлері, Астана қаласы Білім басқармасы, Спорт және дене шынықтыру басқармасы, ақпараттық-түсіндіру тобы мүшелері, психолог-мамандар, сондай-ақ Астана қаласы прокуратурасының өкілдері қатысты.

🎤 Іс-шара модераторы ретінде «AQNIET» ақпараттық-насихаттық оңалту орталығы» қоғамдық қоры директорының халықаралық және өзге де жобалар жөніндегі кеңесшісі Шауметов Алим Фазылжанұлы қатысты.

🧠 Семинар аясында психология ғылымдарының кандидаты Избасарова Сауле Ишановна, Психология ғылымдарының кандидаты, қауымдастырылған профессор Жукешева Жанар Данагатовна, «AQNIET» қорының психологы Жанабергенова Жұлдыз Хабибуллақызы баяндамаларын жасады.

Сонымен қатар семинар барысында радикалды діни идеологияның ықпалынан зардап шеккен тұлғаларды оңалту, әлеуметтік бейімдеу және дерадикализациялау мәселелері қарастырылды.

💬 Баяндамалар аяқталғаннан кейін қатысушылар кәмелетке толмағандар арасындағы радикалдануды алдын алу, психологиялық диагностика әдістері, ведомствоаралық өзара іс-қимыл ерекшеліктері, сондай-ақ деструктивті идеология ықпалына бейім жасөспірімдерді анықтаудың практикалық тетіктері бойынша спикерлерге сұрақтар қойды.