2025 жылдың 7 қазанында Астана қаласы Дін істері жөніндегі басқармасының қолдауымен «Заң және тәртіп» бағдарламасы аясында "Qamqor-Astana" қоғамдық қоры ҚАЖД қызметкерлері мен түзету мекемелерінде жұмыс істейтін теологтар, психологтар және имамдарға арналған «Түзету мекемелеріндегі діни оңалту тәжірибесі: құқықтық талаптар мен тиімді әдістер» тақырыбында біліктілікті арттыру семинарын ұйымдастырды

Семинарға Астана қаласы Дін істері жөніндегі басқарма басшысы Қ. Көшқали, Құқық қорғау органдары академиясының кафедра меңгерушісі Б. Нұрмағамбетов, Дін істері комитетінің басқарма басшысы Н. Сейтқазин, ҚМДБ Діни оңалту бөлімінің меңгерушісі Д. Кенжалин және Конфессияаралық және өркениетаралық диалог орталығының сарапшысы А. Снадин қатысып, өз тәжірибелерімен бөлісті.
Іс-шараның мақсаты – сотталғандарды дерадикалдандыру мен қоғамға бейімдеудің тиімді тәсілдерін талқылап, саладағы оң тәжірибелермен алмасу болды. Соңында қатысушылар мамандарға сұрақтар қойып, пікір алмасты.