2025 жылғы 26 тамызда Астанада «Заң және тәртіп» іс-шаралары аясында, Астана қаласы Дін істері жөніндегі басқармасының қолдауымен «QAMQOR-ASTANA» қоғамдық қоры «Қауіпсіз мектеп: оқушылардың радикалды идеологияға тартылу қаупін төмендету жолдары» атты семинар өткізді.

🎓 Семинардың басты мақсаты – оқушыларды жат идеологиядан қорғау, білім беру мекемелерінде қауіпсіз, тұрақты орта қалыптастыру, жастардың рухани иммунитетін нығайту және олардың білім мен тәрбиені үйлестіре отырып, саналы әрі жауапты азамат болып қалыптасуына ықпал ету болып табылады.

👩‍🏫 Шараға ҚР ҰҚК академиясының аға оқытушысы, практик-психолог Абдукеева Акмарал, Астана қаласы Дін істері жөніндегі басқармасының басшысы Көшқали Қайролла, Астана қ. Білім басқармасы қызметкері Сүлейменова Мадина және
дінтанушы-эксперттер Антипин Александр мен Сақан Дастан қатысып, тәжірибелерімен бөлісті.

💡 Семинар барысында интернеттегі ақпараттық қауіпсіздік, отбасы мен мектептің тәрбиелік рөлі, жастардың бос уақытын тиімді өткізуі және ұлттық құндылықтар мен зайырлы қоғам қағидаттарын дәріптеу мәселелері талқыланды.

📜 Семинар қорытындысы бойынша қатысушыларға арнайы сертификаттар табысталды.