Астана қаласы Дін істері жөніндегі басқармасының өкілдері Ұлттық банктің ұйымдастыруымен өткен конференцияға қатысты

2025 жылғы 5 тамызда Қазақстан Республикасының Ұлттық банкі ұйымдастырған халықаралық конференция өтті. Іс-шараға Еуразиялық экономикалық одаққа мүше мемлекеттердің делегациялары, Қазақстан Республикасының Ішкі істер министрлігінің қызметкерлері, орталық және жергілікті мемлекеттік органдардың өкілдері, сондай-ақ бірқатар қоғамдық ұйымдар шақырылды.

Конференция барысында дін саласындағы мемлекеттік саясаттың жүзеге асырылу тетіктері, діни экстремизм мен радикализмнің алдын алу жолдары, сондай-ақ дін мен құқықтың өзара байланысы жөніндегі мәселелер талқыланды.

Астана қаласы Дін істері жөніндегі басқармасының басшысы Көшқали Қайролла Дүйсешұлы және басқармаға қарасты “Qamqor Astana” қоғамдық қорының теологы Арман Нұрахметұлы ақпараттық-түсіндіру тобының құрамында арнайы баяндама ұсынып, дін саласындағы заңнамалық нормалар мен конфессияаралық қатынастар мәселелері бойынша түсіндіру жұмыстарын жүргізді.

Конференция шеңберінде мемлекеттік органдар арасындағы өзара іс-қимылды жетілдіру, діни ахуалды тұрақты бақылауда ұстау және құқықтық түсіндіру жұмыстарының тиімділігін арттыру мәселелері де қарастырылды.