Астана қаласында ауыр салмақты автокөлік құралдарының қозғалысын бақылауды күшейту

Жол қозғалысы қауіпсіздігін арттыру және жол жамылғысының зақымдануын болдырмау мақсатында Астана қаласында ауыр салмақты автокөлік құралдарының қозғалысына күшейтілген бақылау енгізіледі. Шараларды ҚР Көлік министрлігінің Автомобиль көлігі және көліктік бақылау комитеті қала әкімдігімен және полиция органдарымен бірлесіп қабылдайды.

Бақылау, көліктік бақылаудың жылжымалы бекеттері арқылы қаланың негізгі кірулері мен шығуларында, сондай-ақ салмақты өлшеудің автоматтандырылған станцияларының көмегімен жүзеге асырылатын болады. Құқық бұзушыларға айыппұл салынады, олардың мөлшері бұзушылық дәрежесіне байланысты болады.
2025 жылғы 23 наурыздан 1 мамырға дейін Республикалық маңызы бар автомобиль жолдарымен жүретін көлік құралдары үшін оське жүктеме бойынша қосымша шектеулер енгізіледі.

6 наурызда қала әкімдігінде кеңес өткізіліп, онда жергілікті полиция мен көліктік бақылау инспекцияларын тарта отырып, рейдтік іс-шаралар өткізу туралы шешім қабылданды. 7 наурыздан бастап елордада алты жылжымалы бекет, сондай-ақ көлік инспекциясы инспекторларының күшейтілген тобы жұмыс істейді. 94 автокөлік құралы тексеріліп, 11 миллион теңгеден астам сомаға 54 әкімшілік хаттама жасалды.
Заңнамаға енгізілген жаңа түзетулерге сәйкес, 2026 жылғы 1 қаңтардан бастап салмағы рұқсат етілген нормалардан асатын самосвалдармен жүктерді жалпыға ортақ пайдаланылатын жолдармен тасымалдауға тыйым салынады.
Елорда жолдарының қауіпсіздігі мен сақталуын қамтамасыз ету үшін ауыр көлікті бақылау жалғастырылатын болады.