"Астана қаласының Көлік және жол-көлік инфрақұрылымын дамыту басқармасы" ММ Қабанбай батыр даңғылының Достық көшесінен Қонаев көшесіне дейінгі учаскесінде (Дөңгелек алаңның үстіндегі көпір) жол төсеміне орташа жөндеу жұмыстарын жүргізу туралы хабарлайды.
Осыған байланысты ағымдағы жылдың 3-18 мамыры аралығында автокөлік құралдары үшін қозғалыс толығымен жабылатын болады.
Сондай - ақ, А. Иманов-Республика көшелерінің қиылысында жабынға жөндеу жүргізу жоспарлануда. Қиылыс ағымдағы жылдың 7-9 мамыр аралығында ішінара жабылатын болады.
Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұраймыз. Уақытша қолайсыздықтар үшін кешірім сұраймыз және жол-құрылыс жұмыстарын жүргізуге түсіністікпен қарауды сұраймыз.