Бүгін Көлік және жол-көлік инфрақұрылымын дамыту басқармасының басшысы А.Ж. Қарағойшин Қ. Қайсенов көшесінің тұрғындарымен кездесуі өтті.

Кездесу барысында осы аудан тұрғындарын тиісті инфрақұрылыммен қамтамасыз ету және жол қозғалысы қауіпсіздігі бойынша бірқатар мәселелер қарастырылды.

"Қазіргі уақытта "Ұлы Дала даңғылынан Бұқар жырау көшесіне дейінгі учаскеде Қ. Қайсенов көшесінің құрылысы" жобасы әзірленуде. Мемлекеттік сараптаманың оң қорытындысын алғаннан кейін ҚМЖ-ға конкурс жарияланатын болады. Қаржыландыру бөлінген жағдайда, ағымдағы жылы жұмысқа кірісуді жоспарлап отырмыз", - деп түсіндірді А. Қарағойшин.

Тиісті жол белгілерін орналастыру мәселесі "Есіл" ауданы және Астана қаласы ПД әкімшілік полиция басқармасының қызметкерлерімен бірлесіп қаралатын болады.