Еске саламыз, ағымдағы жылдың 16 шілдесінен бастап «Р. Бағланова көшесінен Ұлы Дала даңғылына дейінгі Төле би көшесін салу» жобасы аясында жол-құрылыс жұмыстары жүргізілуде.

Жұмыстарды аяқтау мерзімі ағымдағы жылдың 28 тамызына дейін ұзартылды. Осыған байланысты Ұлы Дала даңғылы мен Төле би көшесінің қиылысындағы учаскеде автокөлік құралдарының қозғалысы толықтай шектелген.

Осыған орай келесі баламалы жолдарды пайдалануды сұраймыз:
Тұран даңғылынан Е54 көшесі арқылы Төле би көшесіне;
Ұлы Дала даңғылынан жергілікті жүріс бөлігі арқылы Төле би көшесіне.

Жүргізушілер мен жаяу жүргіншілерден өз бағыттарын алдын ала жоспарлап, жол қозғалысын ұйымдастырудағы уақытша өзгерістерді ескерулерін сұраймыз. Уақытша қолайсыздықтар үшін кешірім сұраймыз.