Бүгін Абдихамит Керімбайұлы Тамабаевты 70 жылдық мерейтойымен құттықтадық

Көлік басқармасында 70 жылдық мерейтойын атап өткен қадірлі әріптесіміз — Тамабаев Абдихамит Керімбайұлын салтанатты түрде құттықтау рәсімі өтті.

Абдихамит Керімбайұлы бес жыл бұрын зейнеткерлікке шыққанымен, оның елордадағы қоғамдық көлікті дамытуға қосқан үлесі бүгінгі күні де жоғары бағаланады.

Көлік басқармасындағы ұзақ жылдар бойғы еңбегінде ол қарапайым маманнан басқарма басшысының орынбасарына дейінгі жолдан өтті. Оның кәсіби біліктілігі, ісіне адалдығы және көпжылдық тәжірибесі қаланың көлік жүйесін дамытуда орасан рөл атқарды.

Құттықтау барысында әріптестері Абдихамит Керімбайұлына көп жылғы еңбегі, даналығы және ұжымға көрсеткен қолдауы үшін алғыс білдірді. Мерейтой құрметіне оған шапан жабылып, құттықтау қағазы табысталды.

Көлік басқармасы Абдихамит Керімбайұлын 70 жылдық мерейтойымен шын жүректен құттықтап, мықты денсаулық, отбасылық амандық, ұзақ ғұмыр және барлық жақсылықты тілейді. Оның кәсіби жолы мен еңбектегі үлесі қаланың көлік саласын дамыту тарихында әрдайым ерекше орын алады.