20 жылдан кейінгі тарихи алтын: Айым Серікбаева - таеквондодан жастар арасындағы әлем чемпионы 

20 жылдан кейінгі тарихи алтын:
Айым Серікбаева - таеквондодан жастар арасындағы әлем чемпионы 

Елордалық спортшы Айым Серікбаева (-44 кг) таеквондодан (WT) жастар арасында әлем чемпионы атанды. Ташкент қаласында өтіп жатқан әлем біріншілігінің финалында ол мексикалық Понсе Нуньес Дара Ширлиді 2:0 есебімен сенімді түрде жеңді.

Бұл жеңіс - Қазақстан таеквондосы үшін тарихи сәт. Ел құрамасы жастар арасындағы әлем чемпионатында соңғы рет алтын жүлдені 2006 жылы жеңіп алған еді. Осылайша, араға 20 жыл салып алтын медаль қайтадан ел қоржынына түсті.

Айта кетейік, Айым Серікбаева бұған дейін Азия чемпионы атанып, жастар арасындағы Азия ойындарының жеңімпазы болған.

Жастар арасындағы әлем чемпионаты 17 сәуірге дейін жалғасады.