«Алматы» ауданында Ашық есік күні өтті

22 қаңтар күні «Алматы» ауданы әкімінің аппараты Ашық есік күнін өткізді.

Бұл — тұрғындар мен қала органдары өкілдері арасындағы тікелей әрі сындарлы байланысты нығайтуға бағытталған ашық диалог алаңы.

📍Іс-шараға Басқарма атынан Аудандар бойынша қалалық жоспарлау бөлімінің бас маманы Нұрлыбек Сейтжапаров қатысты.

Сондай-ақ:
– «Алматы» ауданы әкімінің аппаратының қызметкерлері;
– Астана қаласы мәслихатының депутаттары;
– қалалық бейінді басқармалардың басшылары мен мамандары;
– құқық қорғау органдарының өкілдері;
– қаланың коммуналдық қызметтерінің қызметкерлері ашық есік күніне келген азаматтардың сұрақтарына жауап берді.

🤝 Кездесу барысында тұрғындар абаттандыру, тұрғын үй-коммуналдық шаруашылығы, қауіпсіздік, әлеуметтік сала және басқа да өзекті мәселелер бойынша көкейкесті сұрақтарын тікелей қою мүмкіндігіне ие болды. Әрбір өтініш бойынша түсіндірмелер беріліп, нақты шешу жолдары мен қарау мерзімдері айқындалды.

📌Ашық диалог форматы азаматтардың өтініштеріне жедел жауап беруге ғана емес, сонымен қатар қалалық ортаның сапасын арттыру мен ауданның дамуына бағытталған тұрғындардың ұсыныстарын ескеруге мүмкіндік берді.

✅«Алматы» ауданы әкімінің аппараты тұрғындармен диалог жүргізудің қолжетімді әрі тиімді алаңдарын қалыптастыра отырып, ашық кездесулер тәжірибесін алдағы уақытта да жалғастырады. Себебі әрбір тұрғынның пікірі аудан мен елорданың тұрақты дамуы үшін маңызды.