Астананың Нұра ауданында жаңа инклюзивті ойын алаңы ашылды

Жалпы аумағы - 738 шаршы метр.

Алаң көру қабілеті нашар, қозғалысы шектеулі және тірек-қимыл аппараты бұзылған балалардың қажеттіліктеріне сай бейімделіп жасалған.

Мұнда:

кең жолдар
тактильді плиткалар
бағыттаушы жолақтар
әртүрлі жабындардан құралған сезімдер жолағы (шағал тас, көгал, құм, болат, жұмсақ жабын)
Брайль қарпімен жазылған ақпараттық тақтайшалар (әліпби, алаң сызбасы, бағдарлар)
ыңғайлы навигация орнатылған.

Ерекше қажеттіліктері бар балалардың еркін ойнап, білім алып, дамуына барлық мүмкіндік қарастырылған:

шатыр астындағы шағын кітапхана
қол тіреуіші бар орындықтар
омыртқа ауруына бейім балаларға арналған арнайы орындықтар
шатыр астындағы ас үстелдер
велосипед пен арбаларға арналған тұрақ
батуттар мен әткеншектер (оның ішінде ұя-әткеншек)
кеме пішініндегі инклюзивті ойын кешені
воркаут аймағы
арбамен ойнауға ыңғайлы көтеріңкі құмсалғыш қарастырылған.

Сондай-ақ балалар үшін арнайы жасалған интерактивті мини-қалашықта келесідей ғимараттар:

өрт сөндіру бекеті
жедел жәрдем
полиция
қонақүй
ТҚКС (СТО)
мейрамхана

және инфрақұрылым элементтері:

бағдаршамдар
жаяу жүргіншілер өткелдері
жол белгілері бар.

«Біздің міндетіміз – әрбір отбасының өзін қоғамның назарында, қамқорлықта сезінуі инклюзивті ойын алаңы – балалардың еш кедергісіз бірге ойнап, бірге дамуына жол ашатын маңызды бастама», – деді алаңның ашылу сатанатында сөз сөйлеген аудан әкімі Ришат Тұрдыбеков.