Қоғамдық талқылаулар өтті

Бүгін қатысушылар екі нысанның құрылысын талқылады.

Оның бірі – Астана қаласы, «Байқоңыр» ауданы, 70-ші жол, 12/1 учаскесінде орналасатын «Бетон-ерітінді торабын, өндірістік база, қоймалар мен цехтар салу және пайдалану» жобасы.

Өтініш берушілердің қоғамдық талқылау барысында көрсеткен презентациясына сәйкес, бұл жерде шағын құрылыстар көзделуде. Яғни қазіргі контейнерлердің орнына екі қабатты әкімшілік ғимарат пен бетон өндіруге арналған бетон-ерітінді торабы салынбақ.

Жаңа нысанда кемінде 30 адам жұмыспен қамтылатыны да айтылды.

Екінші нысан – «Логистикалық қойма». Ол Астана қаласы, «Байқоңыр» ауданы, С318 көшесі, 11-учаскесінде қарастырылып отыр.

Құрылысқа өтініш беруші ұйым өкілінің айтуынша, нысанның басты мақсаты – геологиялық барлау кезінде алынған металдармен жұмыс істеуді жеңілдету және жетілдіру. Сақтау қоймасының қасында әртүрлі химиялық талдаулар жасау мақсатында зертхана салу жоспарлануда. Сондай-ақ талқылау барысында керннің – жер қойнауынан алынатын үлгі екендігі, оның жер қабаты мен пайдалы қазбалар туралы маңызды мәлімет беретіндігі де айтылды.

Бұл жоба кем дегенде 50-60 жұмыс орнын ұсынады деп жоспарлануда.

Алдын ала дауыс беру нәтижесі бойынша екі жоба да қатысушылар тарапынан қолдау тапты.

Екі жұмыс күні ішінде қоғамдық талқылаулардың қорытындысы хаттама түрінде рәсімделіп, Басқарманың ресми сайтында жарияланатын болады.

Құрметті қала тұрғындары, қоғамдық талқылауларға қатысып, өз пікірлеріңізді ортаға салыңыздар!