Қоғамдық талқылаулар өтті

Бүгінгі қоғамдық талқылауда екі нысанның құрылысы қаралды. Құрылыс жұмыстары басталмас бұрын әр жоба келісу сатыларынан өтеді. Соның ішіндегі ең алғашқы әрі негізгі кезең – егжей-тегжейлі жоспарлау жобасын әзірлеу. Ал бұл құжатты дайындау үшін қоғамдық талқылаудан өту маңызды, себебі онда қатысушылардың пікірлері ескеріледі.

Қаралған алғашқы нысан – «Аз қабатты тұрғын үйлер (3 қабат)». Оны «Нұра» ауданы, Үркер т.а., Е794 көшесі, №1Б мекенжайында салу жоспарланған.

Екінші мәселе – «Кіріктірілген, кіріктірілген-жапсарлас үй-жайлары мен паркингі бар көппәтерлі тұрғын үй кешені» нысанының атауын өзгерту. Аталған нысан «Есіл» ауданы, Мәңгілік Ел және Қабанбай батыр даңғылдарының қиылысында орналасқан.

Екі жоба да қатысушылар тарапынан бірауыздан қолдау тапты.

Қоғамдық талқылаудың қорытындысы бойынша екі жұмыс күні ішінде хаттама әзірленіп, ол Басқарманың ресми сайтында жарияланады. Толық ақпаратты сол жерден оқи аласыздар.

Қоғамдық талқылауға қатысып, өз пікірлеріңізді білдіріңіздер!