East China Architectural Design & Research Institute (ECADI) – Қытайдың жетекші сәулет институтының өкілдері «Астана Бас жоспары» ҒЖЗИ» ЖШС-не келді.

1952 жылдан бастап қала құрылысы, сәулет және дизайн салаларында ірі жобаларды жүзеге асырып келе жатқан институт өз тәжірибелерімен бөлісіп, ерекше жобаларын таныстырды.

Өз кезегінде «Астана Бас жоспары» ҒЖЗИ» ЖШС Урбанистика орталығы басшысының орынбасары Бахтияр Бекенов қонақтарға елордамыздың урбанистика, сәулет және инженерлік-көлік жүйесі бойынша алдағы жоспарлары туралы айтты.

Қытайлық мамандар Астананың бас жоспарына жоғары баға беріп, ынтымақтастық орнатуға қызығушылық білдірді.