Құрылыс компанияларының аумақтарды көгалдандыру және абаттандыру бойынша кепілдік міндеттемелерін орындау мәселелері бойынша кеңес өтті.

Іс-шараға Астана қаласының Сәулет, қала құрылысы және жер қатынастары басқармасы басшысының орынбасары Аян Смағұлов төрағалық етті.

Кеңес басталар алдында барлық қатысушыларға кепілдік міндеттемелерін сақтау, соның ішінде ағаш отырғызу және абаттандыру қажеттілігі туралы хабарламалар табыс етілді. Өзінің кіріспе сөзінде Аян Смағұлов белгіленген кепілдік мерзімдері аясында барлық міндеттемелерді мүлтіксіз орындаудың маңыздылығын ерекше атап өтті.

Кеңес барысында құрылыс компанияларының өкілдері өздерін толғандырған сұрақтарын қойып, нақты жауаптар алды. Жекелеген жағдайлар бойынша мамандар кездесу аяқталғаннан кейін қосымша түсініктемелер берді.