Сарыарқа ауданында алкоголь мен темекінің заңсыз сатылымын анықтау бойынша рейд өтті
«Заң және Тәртіп» республикалық жобасы аясында Сарыарқа ауданының аумағында мемлекеттік органдар мен қоғам өкілдерінің қатысуымен рейдтік іс-шара өтті. Басты мақсат – суррогат алкогольдің заңсыз айналымын анықтау және жолын кесу, сондай-ақ 21 жасқа толмаған азаматтарға темекі өнімдерін сату фактілерін болдырмау.
Тексеру барысында бірқатар сауда нүктелері қаралып, олардың ішінде екеуінде заң бұзушылықтар анықталды. Құқық бұзушыларға қатысты әкімшілік шаралар қолданылды, атап айтқанда:
ҚР ӘҚБтК 423-1-бабы – 21 жасқа толмаған тұлғаларға темекі өнімдерін, оның ішінде қыздырылатын темекі бұйымдарын, кальян қоспасын және темекіні қыздыру жүйелерін заңсыз сату.
ҚР ӘҚБтК 200-бабы – алкоголь өнімдерін өткізу талаптарын бұзу.
«Өткен рейд алкоголь мен темекі өнімдерінің заңсыз сатылымы әлі де өзекті мәселе екенін көрсетті. Бұл өнімдердің кәмелетке толмағандарға сатылуы мен контрафакт өнімдерінің айналымы азаматтардың денсаулығы мен қауіпсіздігіне үлкен қауіп төндіреді. Мұндай заң бұзушылықтарды жою және қоғамда заңға бағыну мен салауатты өмір салтын қалыптастыру үшін рейдтік іс-шараларды жүйелі түрде жалғастырамыз», - Дамир Хисматуллин, Сарыарқа ауданы әкімі аппаратының бас маманы атап өтті.
Кәсіпкерлерді заң талаптарын қатаң сақтауға, ал қала тұрғындарын – алкоголь мен темекінің заңсыз сатылу фактілері туралы хабарлауға шақырамыз.
Посмотреть эту публикацию в Instagram