Елордалық кәсіпкерлерге өрт қауіпсіздігін сақтаудың маңызы еске салынды

«Сарыарқа» ауданында ТЖ басқармасы мен аудандық полиция басқармасының қызметкерлері сауда нысандары мен қоғамдық тамақтану орындарында профилактикалық аралау жұмыстарын жүргізді.

 

Аралау барысында кәсіпкерлерге өрт кезінде ең жиі қауіп төндіретін мәселелерге, өрт сөндіргіштердің жарамдылығы, электр сымдарының жағдайы және эвакуациялық шығу жолдарының ашық болуына ерекше назар аудару қажеттігі түсіндірілді.

 

Сондай-ақ нысан иелері мен жалға алушыларға қысқаша нұсқамалар таратылды. Аспаздарға ескерту жазуы бар алжапқыштар табысталып, өрт шыққан жағдайда әрекет ету тәртібі көрсетілген жадынамалар берілді.