Келесі кездескенше: Елорданың субұрқақтары қысқы демалысқа шықты
1 қазаннан бастап елордада субұрқақ құрылымдарын консервациялау жұмыстары басталды және 1 қарашаға дейін жалғасады. Бұл фонтандарды қысқы маусымға дайындауға және келесі жылға дейін олардың жұмысқа жарамдылығын сақтау үшін жүргізіледі.
Консервациялау жұмыстары су беру жүйесін өшіруді, сорғылар мен басқа да жабдықтарды өшіруді және техникалық қызмет көрсетуді, сондай-ақ, су қоймаларын қоқыстан тазартуды қамтиды. Әсіресе фонтан элементтерін төмен температураның әсерінен және мұздан зақымданудан қорғауға ерекше назар аударылады.
Фонтандар келесі жылдың көктем-жаз маусымы басталған кезде қайтадан іске қосылып, профилактикалық жұмыстар аяқталған соң және жүйелердің техникалық талаптарға сәйкестігі тексерілгеннен кейін қала тұрғындары мен қонақтарын қуантады.
Посмотреть эту публикацию в Instagram