Елордада ерекше балалар арасында спорттық эстафета өтті

Елордада ерекше балалар арасында спорттық эстафета өтті

«Сарыарқа» ауданында Астана қаласы Мүгедек балалар қоғамының балалары арасында «Көңілді старт» жарысы өтті. Оған 30-дан астам ерекше бала қатысты.

 

Жарыста балалар допты лақтырудан, кедергілерді еңсеруден, ұзындыққа жүгіруден өз бақтарын сынады. Өз балаларының жеңіске деген ұмтылысына тәнті болған ата-аналар осындай іс-шаралар балаларға сергектік сыйлайтынын және өмірге деген оң көзқарасты қалыптастыратынын атап өтті.

 

Эстафета аяқталғаннан кейін командалар марапатталып, қатысқан барлық балаларға сыйлықтар мен алғыс хаттар табысталды.