Жас ұрпақ болашағы қоғамның ортақ жауапкершілігі

«Сарыарқа» ауданында кәмелетке толмағандардың істері жөніндегі комиссияның алғашқы отырысы өтті.

 

Қала әкімінің өкіміне сәйкес, «Сарыарқа» ауданы әкімдігі жанынан кәмелетке толмағандардың істері және олардың құқықтарын қорғау жөніндегі комиссия құрылды.

 

Комиссияның негізгі мақсаты — балалардың құқықтарын қорғау, олардың заңды мүдделерін қамтамасыз ету, қиын өмірлік жағдайға тап болған жасөспірімдерге қолдау көрсету, сондай-ақ құқық бұзушылықтардың алдын алу шараларын жүйелі түрде үйлестіру.

 

Алғашқы отырыста 3 іс қаралды: 1 іс — ата-аналық құқықты шектеу туралы, 2 іс — ата-аналық құқықтан айыру мәселесіне қатысты.

 

Бұл істердің әрқайсысы — бала тағдырына тікелей әсер ететін маңызды мәселелер. Сондықтан мұндай жағдайлардың алдын алу үшін комиссия мүшелері, мемлекеттік органдар, білім беру және денсаулық сақтау мекемелері, құқық қорғау органдары өзара тығыз жұмыс жүргізеді.