Қауіп туралы жалған хабарлама үшін қандай жауапкершілік қарастырылған?

Дайындалып жатқан жарылыс, өрт немесе адамдардың қаза болу қаупін тудыратын, мүлікке зиян келтіруге не өзге де қоғамдық қауіпті салдарға әкелуі мүмкін әрекеттер туралы жалған хабарлама тарату қылмыстық құқықбұзушылық болып табылады.

Қазақстан Республикасының Қылмыстық кодексінің 273-бабына сәйкес мұндай әрекеттер үшін қылмыстық жауапкершілік көзделген.

Маңызды:

• Интернеттегі анонимділік — миф. Заманауи техникалық мүмкіндіктер хабарламаны жіберген адамды, тіпті ол кейін жойылған жағдайда да, анықтауға мүмкіндік береді.
• Жалған хабарлама салдарынан келтірілген материалдық шығын (жедел қызметтердің жұмысы, эвакуация және т.б.) кінәлі тұлғадан толық көлемде өндіріледі.

Мұндай «әзілдер» үрей туғызып, жаппай эвакуацияға әкелуі және адамдардың өмірі мен денсаулығына нақты қауіп төндіруі мүмкін.

Қала тұрғындары мен қонақтарын қоғамдық қауіпсіздік мәселелеріне жауапкершілікпен қарап, Қазақстан Республикасының заңнамасын сақтауға шақырамыз.