Елорда мәслихатының депутаттары «Таза Қазақстан» жалпыұлттық экологиялық бастамасы аясында қаланы абаттандыру бойынша белсенді жұмыстар жүргізуде (19.04.2026)

Депутаттар «Өндіріс» тұрғын алабында санитарлық тазалық жұмыстарын жүргізіп, бүгін «Железнодорожный» тұрғын алабында сенбілікке қатысты. Келесі кезекте — «Үркер» тұрғын алабында жұмыстар жалғасады.

Еске сала кетейік, Астанада «Таза Қазақстан — жауапкершілік белесі» атты ауқымды экологиялық айлық өтуде. Осы бастама аясында қала бойынша «Таза қала» ұранымен абаттандыруға бағытталған бірқатар іс-шаралар жүзеге асырылуда.

Осындай бастамалардан тыс қалмай, белсенділік танытып жүрген тұрғындарға ерекше алғыс айтылды. Олардың атсалысуы — туған қалаға деген шынайы жанашырлықтың айқын көрінісі.