Астана маслихатының депутаттары күрделі жөндеуден кейін жұмысын қайта бастаған №3 қалалық аурухананың хирургия корпусында болды (05.11.2025)

Астана маслихатының депутаттары күрделі жөндеуден кейін жұмысын қайта бастаған №3 қалалық аурухананың хирургия корпусында болды. Медицина ұйымының басшылығы қонақтарға атқарылған жұмыстардың нәтижелерін таныстырып, материалдық-техникалық базаны одан әрі жетілдіру жоспарлары туралы баяндады.

Күрделі жөндеу жұмыстары аясында корпустың барлық функционалды аймақтары қазіргі медициналық стандарттарға сәйкестендіріліп жаңғыртылды:

• операциялық блоктар мен диагностикалық кабинеттер;
• науқастарға арналған палаталар;
• қосымша және қызметтік бөлімшелер.

Сонымен қатар медициналық жабдықтар, инженерлік желілер және ғимараттың ішкі жабдықталуы жаңартылды. Бұл көрсетілетін медициналық көмектің сапасы мен тиімділігін едәуір арттыруға мүмкіндік береді.