51 құрылыс нысаны Астана көшелерін лайлағаны үшін жазаланды

"Астана қаласының Қалалық орта сапасы және бақылау басқармасы" ММ аудандық әкімдіктердің, экологиялық полицияның, "Астана-АЭК" АҚ мамандарымен бірлесіп, қала аумағына балшық шығаруды болдырмау және құрылыс объектілерінің қоршаулары бойынша объектіде доңғалақтарды жуу пунктінің болуына, негізгі жол төсеміне құрылыс қоршауларының тиісті жай-күйінің берік жанасуына мониторинг жүргізілді.

Мониторинг нәтижесінде құрылыс нысандарында 51 бұзушылық анықталды.

Белгіленген нормалардың бұзылуына және абаттандырудың тиісінше жай-күйіне байланысты Қазақстан Республикасының Әкімшілік құқық бұзушылық туралы Кодексінің, Астана қаласының экологиялық полициясының 505 және 630-баптарына сәйкес 51 құрылыс нысаны әкімшілік жауапкершілікке тартылды.