БОЛАШАҚ ТУРАЛЫ ДИАЛОГ: ҚАЗАҚСТАН РЕСПУБЛИКАСЫНЫҢ ЖАҢА КОНСТИТУЦИЯ ЖОБАСЫН ТАЛҚЫЛАУ

Бүгін Басқарма басшысы «BI Group» құрылыс компаниясының қызметкерлерімен Қазақстан Республикасының жаңа Конституциясының жобасына арналған мазмұнды әрі ашық кездесу өткізді.

Кездесу барысында қатысушыларға Конституция жобасында көзделген негізгі қағидалар мен өзгерістер, сондай-ақ олардың мемлекеттің одан әрі дамуы, құқықтық негіздерді нығайту және азаматтардың құқықтарын қорғаудағы маңызы жан-жақты түсіндірілді.

Таныстыру бөлімінен кейін ашық диалог ұйымдастырылып, оның аясында қызметкерлер өздерін қызықтырған өзекті сұрақтарын қойды. Атап айтқанда, Конституцияның қоғам өміріндегі рөлін күшейту және азаматтардың құқықтары мен бостандықтарын кеңейту мәселелері қозғалды.

Кездесу іскерлік әрі жылы жағдайда өтіп, еңбек ұжымының жүргізіліп жатқан конституциялық реформаларға және елдің болашақ дамуына деген жоғары қызығушылығын көрсетті.

Мұндай кездесулер құқықтық мәдениетті қалыптастыруға, қоғамдық диалогты дамытуға және азаматтарды маңызды мемлекеттік бастамаларды талқылауға тартуға ықпал етеді.