БАСҚАРМА БАСШЫСЫ ТҰРҒЫН ҮЙ КЕШЕНДЕРІНІҢ ТЕРЕЗЕ ОЙЫҚТАРЫНДА ҚАУІПСІЗДІК ТЕТІКТЕРІН ОРНАТУҒА ҚАТЫСТЫ ЖИНАЛЫС ӨТКІЗДІ

Ағымдағы жылдың 21 мамырында Басқарма басшысы Сарайшық ауданы прокурорының орынбасарымен және Қазақстан Республикасы Еңбек және халықты әлеуметтік қорғау министрлігінің Мемлекеттік еңбек инспекциясы комитетінің Астана қаласы бойынша департаментінің басшысымен бірлесіп, балалардың терезеден құлау жағдайларының жиілеуіне байланысты тұрғын үй кешендерінің терезе ойықтарында қауіпсіздік тетіктерін орнату мәселесі бойынша жиналыс өткізді.

Жылы мезгілдің басталуымен балалардың терезеден құлауына байланысты жазатайым оқиғалардың өсуі жыл сайын тіркеліп отыр. Қорғаныс пен төзімділіктің жалған сезімін тудыратын москит торлары ерекше қауіп төндіреді.

Құрылыс объектілерінің қауіпсіздігі мен сапасы стандарттау саласындағы техникалық регламенттерде және нормативтік-құқықтық актілерде белгіленген талаптарды қатаң сақтаумен қамтамасыз етіледі.

Басқарма басшысы Ғани Жарасұлы құрылыс-монтаждау жұмыстарын орындау кезінде құрылыс салушы қауіпсіздікті қамтамасыз ету жөніндегі барлық шаралар кешенін іске асыруға міндетті екенін де атап өтті. Атап айтқанда, терезе ойықтары құлыптармен және жобалық құжаттамада көзделген басқа механизмдермен жабдықталуы керек. Бұдан басқа, құрылыстың барлық кезеңдерінде осы талаптардың орындалуын бақылау және қадағалау мүмкіндігі қамтамасыз етілуге тиіс.