ӨЗДЕРІ ТУРАЛЫ БАЯНДАЙТЫН АҒАШТАР

Есіл ауданында өздері туралы сыр шертетін ағаштар бар екенін білдіңіз бе?

Өткен жылы жаңартылған «Ұлытау» аллеясындағы ағаштарға жақында QR-кодтар орнатылған болатын. Солар арқылы өтіп, ағаштың түрі, жасы, суару жиілігі және күтім жасау шарттары туралы ақпарат алуға болады.

Бұл жоба Мәңгілік ел даңғылы бойын абаттандыру аясында жүзеге асты. Сол жұмыстың бір бөлігі ретінде «Ұлытау» аллеясы да жаңартылды.

Қоршаған ортаны қорғау және табиғатты пайдалану басқармасы ұзындығы 2 шақырым 497 метр болатын аумақта абаттандыру жұмыстарын жүргізді. 222 орындық, 217 қоқыс жәшігі және 415 жарық тірегі орнатылды.

Қаланы көгалдандыру аясында Мәңгілік ел даңғылы бойына 1418 ағаш, 4437 бұта және 12 525 көпжылдық гүл отырғызылды.

«Ұлытау» аллеясының қайта жаңғыруы кеңістікке жаңа тыныс берді.