ИНКЛЮЗИЯ: АУДАНДАҒЫ САЯБАҚТАР МЕН СКВЕРЛЕРДЕ ПАНДУСТАР МЕН ҚОҒАМДЫҚ ӘЖЕТХАНАЛАРДЫҢ ҚОЛЖЕТІМДІЛІГІ ҚАРАЛДЫ

Есіл ауданында инклюзивті орта қалыптастыруға бағытталған жүйелі жұмыс жалғасуда. Саябақтар мен скверлердегі пандустардың, кіреберіс алаңдардың және қоғамдық санитариялық нысандардың қолжетімділігіне мониторинг жүргізілді.

Мақсат – арбамен қозғалатын азаматтар мен балалар арбасын сүйреген ата-аналар үшін қолайлы жағдай жасау. Іс-шараға Есіл ауданы әкімінің инклюзия мәселелері жөніндегі кеңесшісі Жанат Қабдулла және әлеуметтік сала мамандары қатысты.