Кеңейтілген отырыс өткізу туралы
Кеңейтілген отырыс өткізу туралы
Астана қаласының Білім басқармасы 2022 жылғы 30 желтоқсанда білім беру ұйымдары мен құрылымдық бөлімдер басшыларының қатысуымен кеңейтілген отырыс өткізді.
Отырыс жұмысына ҚР Сыбайлас жемқорлыққа қарсы іс – қимыл агенттігі департаментінің басшылығы қатысты.
Іс-шара барысында Білім басқармасының өткен жылғы жұмысының нәтижелері ұсынылды, сыбайлас жемқорлыққа қарсы саясатты іске асыру және сыбайлас жемқорлыққа қарсы іс-қимыл жөніндегі іс-қимыл жоспарының орындалу барысы, тоқсан сайынғы негізде өткізілетін сыбайлас жемқорлыққа қарсы саясат жөніндегі іс-шаралардың қорытындылары, ата-аналардан және басқа да тәуелді тұлғалардан (жеткізушілерден) ақшалай қаражаттарды жинамау жөніндегі алдын алу іс-шаралары таныстырылды.
ҚР Сыбайлас жемқорлыққа қарсы іс-қимыл агенттігі департаментінің басшылығы сыбайлас жемқорлық тәуекелдерінің туындауына ықпал ететін мән-жайларды, сондай-ақ сыбайлас жемқорлық құқық бұзушылықтар үшін жауапкершілікті қозғады.
Кеңейтілген отырыстың қорытындысы бойынша Басқарма шешім қабылдады:
- бағынысты кәсіпорындардың қаржы-шаруашылық қызметін тексеру Басқарманың құрылымдық бөлімшелеріне 2023 жылғы 30 қаңтарға дейін олардың жауапкершілік аймағын белгілей отырып енгізу бойынша жалақыны есептеу бойынша әдістемелік ұсынымдар әзірлеу;
- 2023 жыл ішінде ведомстволық бағынысты ұйымдардың жұмыс істеп тұрған бухгалтерлерінің бухгалтерлік есеп және есептілік мәселелері бойынша біліктілікті арттыру курстарынан өтуін қамтамасыз ету;
- 2023 жылғы 15 қаңтарға дейін білім беру ұйымдарында бухгалтерлік есеп пен есептіліктің мониторингі бойынша іс-шаралар жоспарын әзірлеу.