Жылыту маусымында өрт қауіпсіздігін сақтау

Құрметті қала тұрғындары!

Ауа температурасының -25…-26 градусқа дейін төмендеуіне байланысты Астана қаласы ТЖ департаменті сіздерге қауіпсіздік шараларын сақтауға шақырады. Жылыту маусымында өрт қауіпсіздігін сақтау – өте маңызды!

Өрттің алдын алу және жақындарыңыздың өмірі мен денсаулығын сақтау мақсатында келесі ережелерді қатаң сақтауды сұраймыз:

- Пештердің, газ және электр жылытқыштарының жарамдылығын тексеріңіз;

- Тек зауытта жасалған, жарамды және сертификатталған құрылғыларды пайдаланыңыз;

- Электр желісін шамадан тыс жүктемеңіз, қосулы құрылғыларды қараусыз қалдырмаңыз;

- Жанғыш материалдардан қауіпсіз қашықтықты сақтаңыз;

- Өздігінен жасалған немесе ақаулы жылытқыштарды қолданбаңыз;

- Мұржалардың дұрыстығын тексеріп, қажет болған жағдайда тазалаңыз.

Төтенше жағдайлар министрлігі ескертеді: Жылытқыш құрылғыларды дұрыс пайдалану — сіздің және жақындарыңыздың қауіпсіздігінің кепілі! Өз өміріңізге бей-жай қарамаңыз — қауіпсіздікті сақтаңыз!