Елордадағы «Алматы» ауданында Қарттар күніне арналған мерекелік шара өтті

Елордадағы «Алматы» ауданында Қарттар күніне арналған мерекелік шара өтті

«Алматы» ауданының «Жерұйық» саябағында Қарттар күніне орай мерекелік іс-шара ұйымдастырылды. Мереке аудан әкімі аппаратының, Белсенді ұзақ өмір сүру орталығы мен Ардагерлер кеңесінің қолдауымен өтті.

Мерекелік күн таңғы сергітетін жаттығудан басталды. Қатысушылар сондай-ақ медициналық мамандардың қабылдауынан өтіп, денсаулық көрсеткіштерін – бойы мен салмағын, артериялық қысымын, қан құрамындағы қант деңгейін тексеріп, жақсы көңіл-күй мен денсаулықты сақтау бойынша пайдалы кеңестер алды.

Мерекенің жарқын қорытындысы әншілер мен шығармашылық ұжымдардың өнер көрсетуі болды. Олардың әндері мен билері саябаққа қуаныш пен шаттық сыйлады.

Ардагерлердің жарқын күлкісі мен алғыс сөздері іс-шараның басты көркіне айналып, аға буынға қамқорлық пен ілтипаттың маңыздылығын еске салды.

Қарттар күніне арналған мерекелік іс-шаралар «Алматы» ауданында жалғасуда.