«Алматы» ауданында жаяу жүргінші инфрақұрылымын абаттандыру жұмыстары жүйелі түрде жалғасуда

Халықтың қауіпсіз әрі жайлы қозғалысын қамтамасыз ету мақсатында «Алматы» ауданында тротуарларды салу және жөндеу, сондай-ақ жаяу жүргіншілер аймақтарын абаттандыру жұмыстары белсенді түрде жүргізілуде.

Бүгінгі таңда жалпы аумағы 2 300 шаршы метрден асатын бірқатар учаскелерде жұмыстар аяқталды. Атап айтқанда:
1. Майдақоныр көшесі;
2. Б.Момышұлы даңғылы, 15;
3. Еренқабырға көшесі;
4. Обаған көшесі;
5. «Лайнер» дүкенінің артындағы сквер;
6. Қ. Сәтпаев көшесі, 3/1;
7. «Мұнар» тұрғын үй кешені;
8. Р. Қошқарбаев даңғылы;
9. А.С. Пушкин ескерткіші маңы (Жағалау бойы);
10. А. Петров көшесі, 23/1.

Жоспарланған жұмыстардың жалпы ұзындығы 6 шақырымнан асады. Жұмыстар тізіміне тағы да шамамен 30 учаске енгізілген.

Барлық учаскелерде арбамен қозғалатын азаматтарға қолайлы болу үшін арнайы пандустар қарастырылған.

Аталған бағыттағы жұмыстар алдағы уақытта да жалғасатын болады.