Бүгін Астанада Стратегиялық жоспарлау және реформалар Агенттігінің төрағасы Жандос Шаймарданов пен Сауд Арабиясы халықаралық стратегиялық әріптестік орталығының (SCISP) президенті Раад әл-Баракатимен кездесу өтті.
Іс-шараны ашқан Агенттік төрағасы ведомствоның қызметі, жұмыс жоспары мен құрылымы жайлы айтты. Сонымен қатар, Агенттік төрағасының орынбасары Олжас Төлеуов
«Пайым: Қазақстан – 2050» жобасын таныстырып, стратегияның басымдықтарын, ел алдында тұрған мүмкіндіктер мен сын-тегеуріндер жайлы сөз қозғады.
Өз кезегінде SCISP президенті Раад әл-Баракати мемлекеттік органның құрылымымен таныстырып, Сауд Арабиясының «Vision – 2030» бағдарламасын іске асыру мен орындалу мониторингіне қатысты тәжірибесімен бөлісті.
SCISP аға вице-президенті Рияд әл-Фаиздің айтуынша, «Saudi Vision – 2030» стратегиясының көптеген бағдарламалары мерзімінен бұрын орындалған.
Кездесу нәтижесінде тараптар Қазақстан Республикасының Стратегиялық жоспарлау және реформалар агенттігі мен Сауд Арабиясының халықаралық стратегиялық әріптестік орталығы арасындағы ынтымақтастықты одан әрі дамытуға келісті.