Әлемнің жетекші сарапшылары қандай болжам жасауда?
Давоста Дүниежүзілік экономикалық форум жалғасуда.
Форумның жыл сайын өтетін дәстүрлі кездесуінде жетекші экономистердің басым бөлігі (үштен екісі) 2023 жылы жаһандық рецессияны күтетін болжам ұсынылуда.
Кеңірек айтқанда, бас экономистер ғаламдық ландшафт бизнес үшін қиын болатынын, респонденттердің толық 100%-ы жаһандық геосаяси тенденциялар жаһандық экономикалық белсенділік картасын қайта құруды жалғастырады деп күтеді.
Бұл экономикалық өзгерістер сауда, инвестиция, жұмыс күші және технология ағындарына әсер етіп, бизнес үшін көптеген қиындықтар мен мүмкіндіктер туғызады деп болжайды.
Экономистер 2023 жылы жеткізу тізбегіндегі үзілістер іскерлік белсенділікті атап айтарлықтай төмендетпейтінін позитивті жайт ретінде атап өтті.
Сауданы қалпына келтіру, экономикалық өсу және инвестициялар тақырыбындағы сессияда Дүниежүзілік сауда ұйымы жаһандану әлемге және әсіресе дамушы экономикаларға кері әсерін тигізетінін ескертті.
Әлемдік көшбасшылардың алдында жаһандық өсу үшін жаңа күн тәртібі қандай болатыны туралы мәселе тұрғандығы айтылды. Дүниежүзілік сауда ұйымы бас директоры Нгози Оконджо-Ивеала өз сөзінде сауданың болашағы – цифрланған және «жасыл» қызмет көрсетулерде екенін айтты.
Биыл Давостағы форумға ең көп саяси және бизнес көшбасшылар, оның ішінде 50-ден астам мемлекет және үкімет басшылары, 56 қаржы министрі, 19 орталық банк басқарушысы, 30 сауда және 35 сыртқы істер министрі жиналды.
Аталған іс-шараға Қазақстан атынан Стратегиялық жоспарлау және реформалар Агенттігінің Төрағасы Әсет Ерғалиев қатысуда.
Анықтама үшін:
ДЭФ – Дүниежүзілік экономикалық форум, сондай-ақ Давос форумы (Davos Summit) – ірі халықаралық үкіметтік емес ұйым. ДЭФ-тің басты мақсаты экономикалық даму және әлеуметтік прогресс мәселелерін шешуде әлемдік қоғамдастыққа жәрдемдесу арқылы жаһандық жағдайды жақсарту болып жарияланды.
Рецессия – экономика құлдырап, баяулайтын экономикалық цикл кезеңі. Рецессия ЖІӨ екі тоқсан ішінде төмендеген кезде айтылады. Рецессия кезінде халықтың табысы төмендейді, бағалар көтеріледі, компаниялар жаппай банкротқа ұшырайды, жұмыссыздық артады, әлеуметтік шиеленіс күшейеді және т. б.
ДСҰ – Дүниежүзілік сауда ұйымы, бұл өз мүшелері арасындағы сауда ережелерін реттейтін жалғыз жаһандық халықаралық ұйым. ДСҰ ережелері сауда-экономикалық қатынастар саласындағы ұлттық заңнаманы әзірлеу және практикалық қолдану үшін нұсқаулық ретінде саналады. Ұйымның негізгі мақсаты – өз мүшелері арасындағы тұрақты, болжамды және еркін сауда ағымын қалыптастыру.