Банк конгломераттарына арналған пруденциалдық нормативтерді бекіту туралы
Қаржы нарығын реттеу және дамыту агенттігінің Басқармасы 2026 жылғы 16 сәуірде «Банк конгломераттарына арналған пруденциялық нормативтерді, олардың шекті мәндері мен есеп айырысу әдістемелерін, сондай-ақ банк конгломераттары сақтауға міндетті қосымша пруденциялық нормативтер мен лимиттерді бекіту туралы» №69 қаулыны қабылдады.
Қаулы Қазақстан Республикасының «Қазақстан Республикасындағы банктер және банк қызметі туралы» Заңының 72-бабының 2 және 3 тармақтарына және Қазақстан Республикасының «Қаржы нарығын және қаржы ұйымдарын мемлекеттік реттеу, бақылау және қадағалау туралы» Заңының 5-бабына, сондай-ақ «Қазақстан Республикасындағы банктер және банк қызметі туралы» және «Республиканың Қазақстан Қаржы нарығын реттеу және дамыту, Байланыс және банкроттық мәселелері бойынша кейбір заңнамалық актілеріне өзгерістер мен толықтырулар енгізу туралы» 2026 жылғы 16 қаңтардағы Қазақстан Республикасының заңдарын іске асыру жөніндегі шаралар туралы» ҚР Премьер-Министрінің 2026 жылғы 16 ақпандағы №18-ө өкіміне құқықтық актілер тізбесінің 41-тармағымен сәйкес әзірленді.
Қаулыда банк конгломератының орындауы үшін міндетті пруденциялық нормативтер (жарғылық капиталдың ең төменгі мөлшері, меншікті капиталдың жеткіліктілік коэффициенті, бір қарыз алушыға келетін тәуекелдің ең жоғары мөлшері) белгіленген. Сондай-ақ қосымша лимиттер белгіленді (банк конгломератының меншікті капиталының жеткіліктілік коэффициентін төмендету, банк конгломератының бір қарыз алушысына тәуекелдің ең жоғары мөлшерінің коэффициентін ұлғайту, банк конгломератының қатысушылары арасындағы топішілік мәмілелер бойынша банк конгломераты қатысушыларының бір-біріне қойылатын талаптарының сомасын ұлғайту).
Бұл лимиттер конгломераттың шоғырландырылған қаржылық тұрақтылығын қамтамасыз етуге және оның тәуекел-бейіні нашарлаған жағдайда уақтылы шаралар қабылдауға бағытталған.
Құжаттың толық мәтінімен агенттіктің интернет-ресурсында танысуға болады.
Сыртқы коммуникациялар басқармасы