Стрестік активтерді басқару жөніндегі еншілес ұйым қызметінің қағидаларын бекіту туралы
Қазақстан Республикасы Қаржы нарығын реттеу және дамыту агенттігінің Басқармасы 2026 жылғы 20 наурызда «Стрестік активтерді басқару жөніндегі еншілес ұйым қызметінің қағидаларын, сондай-ақ ол сатып алатын (сатып алған) активтерге қойылатын талаптарды бекіту туралы» №14 қаулыны қабылдады.
Қаулы Қазақстан Республикасының «Қазақстан Республикасындағы банктер және банк қызметі туралы» Заңының 68-бабының 2-тармағын іске асыру мақсатында әзірленді.
Қаулымен стрестік активтерді басқару жөніндегі еншілес ұйымдардың қызмет тәртібі, сондай-ақ олар сатып алатын активтерге қойылатын талаптар белгіленеді.
Құжаттың толық мәтінімен Агенттіктің интернет-ресурсында танысуға болады.
Сыртқы коммуникациялар басқармасы