Банктермен экономиканың нақты секторына кредит беруді ынталандыру жөніндегі шаралар туралы
Қаржы нарығын реттеу және дамыту агенттігі «Қазақстан Республикасының кейбір нормативтік құқықтық актілеріне банк қызметін реттеу мәселелері бойынша өзгерістер енгізу туралы» Басқарма қаулысының жобасын әзірледі.
Жобамен екінші деңгейдегі банктердің қызметін реттейтін, банктердің экономиканың нақты секторына кредит беруді ынталандыруға бағытталған қаулыларға бірқатар түзетулер енгізіледі, атап айтқанда:
- шағын және орта бизнес субъектілеріне кредиттер бойынша өтімділік және тәуекел-саралаудың жекелеген коэффициенттерінің жеңілдетілген мәндерін сақтау;
- «ДАМУ» КДҚ» АҚ немесе «Қазақстанның Даму Банкі» АҚ кепілдігімен қамтамасыз етілген шағын және орта бизнес субъектілеріне ислам банктерінің қарыздары бойынша тәуекел-саралауды белгілеу;
- «А-» төмен емес рейтингі бар шетелдік банктердің кепілдіктерін қарыздар бойынша қамтамасыз ету ретінде тану тәртібін нақтылау көзделеді.
Сондай-ақ банк қызметін реттеуге бағытталған өзге де түзетулер көзделеді.
Құжаттың толық мәтінімен Агенттіктің интернет-ресурсында танысуға болады.
Сыртқы коммуникациялар басқармасы
press@finreg.kz