«Kaspi Bank» АҚ туралы
Қазақстан Республикасының Қаржы нарығын реттеу және дамыту агенттігі «Kaspi Bank» АҚ туралы соңғы жарияланымға байланысты төмендегіні хабарлайды.
Банк орнықты өсу мен ашықтықтың жоғары деңгейін көрсетіп отырған елдегі жүйе құраушы және тұрақты дамып келе жатқан банктердің бірі болып табылады.
2024 жылғы қыркүйектегі жағдай бойынша банк секторындағы активтер мөлшері, кредиттер көлемі және депозиттік базасы бойынша Банк Қазақстанның екінші банкі болып табылады.
Банк АҚШ, Еуроодақ және басқа да шет елдердің санкциялық режимін толық көлемде сақтайды, комплаенс-тәуекел деңгейі жоғары операцияларға қатысты KYC, тәуекел-менеджмент және ішкі бақылаудың үздік практикасын қамтамасыз ету үшін АҚШ пен Еуроодақтағы корреспондент-банктермен тұрақты негізде ынтымақтасады.
Банк тәуекелдерді барынша азайту үшін ішкі стандарттарға сәйкес қажетті комплаенс-рәсімдерді тұрақты негізде жүргізеді, оларға клиенттерді жан-жақты тексеру, транзакцияларды мониторингтеу және қызметкерлерді оқыту кіреді.
Өз кезегінде, бұған дейін Агенттік екінші деңгейдегі банктерге қатысты клиенттерді тиісінше тексеру және олардың KYC стандарттары мен трансшекаралық операцияларды бақылау бойынша операцияларын мониторингтеу рәсімдеріне қойылатын талаптарды күшейтті. Сондай-ақ банктердің шетелдік клиенттерді тексеруі және санкцияларды айналып өтуге бағытталған операцияларды жасау үшін банк қызметтерін ықтимал пайдалануды болдырмау үшін трансшекаралық операцияларды мониторингтеу бойынша талаптар белгіленді.
2023 жылы Financial Action Task Force Ұсынымдарына сәйкестікке ұлттық АЖ/ТҚҚ жүйесін Өзара бағалау шеңберінде Қазақстанның АЖ/ТҚҚ жүйесінің орнықтылығы мен тиімділігі расталды.
Сыртқы коммуникациялар басқармасы
+7 (727) 237 1089