Бағалы қағаздар нарығында лицензиялар беру туралы

Қазақстан Республикасының Қаржы нарығын реттеу және дамыту агенттігі (бұдан әрі – Агенттік) 2023 жылы бағалы қағаздар нарығында кәсіби қызметті жүзеге асыруға 5 лицензия берді:

• брокерлік және дилерлік қызметті жүзеге асыруға, инвестициялық портфельді басқаруға «N1broker» АҚ;
• инвестициялық портфельді басқаруға «Standard инвестициялық компаниясы» АҚ;
• қаржы құралдарымен мәмілелер бойынша клирингтік қызметті жүзеге асыруға «KASE клиринг орталығы» АҚ;
• кастодиандық қызметті жүзеге асыруға «Kaspi Bank» АҚ.

Бұдан басқа, Агенттік банк операцияларының жекелеген түрлерін жүргізуге 5 лицензия берді:

• «Бағалы қағаздардың орталық депозитарийі» АҚ;
• «Teniz Capital Investment Banking» АҚ;
• «SkyBridge Invest» АҚ;
• «KASE клиринг орталығы» АҚ;
• «ЕвроЦентрАстана» АҚ.

2023 жылғы 1 шілдеде «Fincraft» инвестициялық үйі» АҚ-қа брокерлік және дилерлік қызметті жүзеге асыруға және инвестициялық портфельді басқаруға берілген лицензиялардың қолданысы тоқтатылды.

2024 жылғы 1-тоқсанда брокерлік және дилерлік қызметті жүзеге асыруға «Altyn Adam Associates» АҚ-қа 1 лицензия берілді.

Анықтама үшін: Бағалы қағаздар нарығында қызметті жүзеге асыру үшін лицензиялар берудің талаптары мен тәртібі «Бағалы қағаздар рыногы туралы» Қазақстан Республикасының Заңында және Бағалы қағаздар нарығында кәсіби қызметті жүзеге асыруға лицензия беру қағидаларында белгіленеді.

Банк операцияларының жекелеген түрлерін жүргізуге арналған лицензиялар «Банктер және банк қызметі туралы» Қазақстан Республикасының Заңына және Банк операцияларын лицензиялау қағидаларына сәйкес бағалы қағаздар нарығындағы кәсіби қатысушыларға беріледі.

Жоғарыда көрсетілген лицензияларды беру мемлекеттік қызмет болып табылады және www.elicense.kz порталы арқылы электрондық нысанда не қағаз жеткізгіштерде (банк операцияларының жекелеген түрлерін жүргізуге лицензиялар алу үшін) заңнамада белгіленген мерзімдерде көрсетіледі.