2023 жылғы 20 ақпанда Қазақстан Республикасының Қаржы нарығын реттеу және дамыту агенттігі (бұдан әрі – Агенттік) «Берілетін микрокредиттер бойынша сыйақының жылдық тиімді мөлшерлемесін есептеу қағидаларын бекіту туралы» Қазақстан Республикасы Ұлттық Банкі Басқармасының 2019 жылғы 26 қарашадағы № 208 қаулысына өзгерістер енгізу туралы» Агенттік Басқармасының №7 қаулысын (бұдан әрі – Қаулы) қабылдады.
Қаулы қаржылық қызметтерді тұтынушылардың құқықтарын қорғауды күшейту және тұтынушыларға микрокредиттердің толық құны туралы ақпаратты дұрыс ұсыну үшін әзірленді.
Қаулы шеңберінде микрокредит беру туралы шарттарда, сондай-ақ микрокредиттер бойынша сыйақының шамалары туралы ақпарат бар жарнаманы орналастыру кезінде жылдық тиімді сыйақы мөлшерлемесін (бұдан әрі – ЖТСМ) номиналды сыйақы мөлшерлемесімен бірдей ресімдеу (қаріптің көлемі мен стилі) көзделеді.
Қаулы алғашқы ресми жарияланғаннан кейін күнтізбелік алпыс күн өткен соң қолданысқа енгізіледі.
Қаулының толық мәтінімен Агенттіктің https://www.gov.kz/memleket/entities/ardfm/documents/details/443131?lang=ru ресми интернет-ресурсында танысуға болады.
Агенттіктің сыртқы коммуникациялар басқармасы:
+7 (727) 237-10-89, email: press@finreg.kz