Банктік қарыздар мен салымдар бойынша сыйақы мөлшерлемесін есептеу қағидаларына өзгерістер енгізу туралы

2023 жылғы 20 ақпанда Қазақстан Республикасының Қаржы нарығын реттеу және дамыту агенттігі (бұдан әрі – Агенттік) «Қарыздар мен салымдар бойынша шынайы, жылдық, тиімді, салыстырмалы есептеудегі сыйақы мөлшерлемелерін (нақты құнын) есептеу қағидаларын бекіту туралы» Қазақстан Республикасы Ұлттық Банкі Басқармасының  2012 жылғы 26 наурыздағы № 137 қаулысына өзгерістер енгізу туралы» Агенттік Басқармасының № 8 қаулысын (бұдан әрі – Қаулы) қабылдады.

Қаулы қаржылық қызметтерді тұтынушылардың құқықтарын қорғауды күшейту мақсатында және тұтынушыларға банктік қарыздар мен салымдар бойынша толық құны туралы ақпаратты дұрыс ұсыну үшін әзірленді.

Қаулы шеңберінде қызмет көрсету туралы шарттарда, сондай-ақ банктік қарыздар мен салымдар бойынша сыйақы шамалары туралы ақпарат бар жарнаманы орналастыру кезінде жылдық тиімді сыйақы мөлшерлемесін (бұдан әрі – ЖТСМ) номиналды сыйақы мөлшерлемесімен бірдей көрсету (қаріп көлемі мен стилі) көзделеді.

Қаулы алғашқы ресми жарияланғаннан кейін күнтізбелік алпыс күн өткен соң қолданысқа енгізіледі.

Қаулының толық мәтінімен Агенттіктің https://www.gov.kz/memleket/entities/ardfm/documents/details/443141?lang=ru ресми интернет-ресурсында танысуға болады.

 

Агенттіктің Сыртқы коммуникациялар басқармасы:

+7 (727) 237-10-89, email: press@finreg.kz