Агенттік Қазақстан үшін тәуекел жағдайларында өсу үлгісін жасады

2021 жылы Агенттік пилоттық қадағалап стресс-тестілеуді жүргізу үшін макроэкономикалық талдау және болжау құралдарының жиынтығын әзірледі. Халықаралық валюта қорының әдіснамасы бойынша әзірленген Growth at Risk ықтималды үлгісі (бұдан әрі – GaR) негізгі құралдардың бірі болып табылады.

GaR үлгісі салыстырмалы түрде алғанда жаңа әрі икемді құрал, ол тәуекел жағдайларында ІЖӨ болашақ өсуінің ықтималды бағытын құру үшін қолданылады. Үлгі банк секторын қадағалап  стресс-тестілеудің стрестік сценарийінің алғышарттарын әзірлеген кезде пайдаланылуы мүмкін. Бұдан басқа, осы құрал макроқаржылық жағдайлардың жай-күйін және берілген уақыт аралығында теріс өсу ықтималдылығын бағалауға мүмкіндік береді. Сонымен қатар GaR болашақ өсуді бөлуге болжалды күйзелістердің әсерін бағалау үшін түрлі сценарийлерді қолдануға мүмкіндік береді.

GaR үлгісін құру үшін макроқаржылық тәуекелдердің түрлі аспектілерін көрсететін және экономикалық өсуге әсер ететін 19 көрсеткіш пайдаланылды. Бұдан әрі квантильдік регрессияларды қолдана отырып ІЖӨ шартты өсуін бөлуге макроқаржылық жағдайлардың әсеріне сандық бағалау жүргізілді.

GaR үлгісінің нәтижелері Қазақстандағы ағымдағы жағымды макроқаржылық жағдайлардың бұдан әрі де өсудің қысқа мерзімді болашағын қолдайтынын, алайда жағымды жағдайлардың ұзақ кезеңі қаржылық осалдылықтың күшеюіне ықпал етуі мүмкін екендігін көрсетті.

Агенттік еліміздің макропруденциялық саясатын іске асыруға қолдау көрсету үшін GaR үлгісін қолдану саласын кеңейту мүмкіндіктерін зерделеуді жоспарлап отыр.

Зерттеумен толығырақ мына сілтеме бойынша таныса аласыздар: https://www.gov.kz/memleket/entities/ardfm/documents/details/246028?lang=ru

Баспасөз қызметі

+7 (727) 237 1089, press@finreg.kz