Банк операцияларының жекелеген түрлерін жүзеге асыратын ұйымдар үшін лицензиялау және біліктілік талаптары туралы Агенттік қаулысының жобасы туралы
Қаржы нарығын реттеу және дамыту агенттігі «Банк операцияларының жекелеген түрлерін жүзеге асыратын ұйымдарға лицензия беру қағидаларын, Банк операцияларының жекелеген түрлерін жүзеге асыратын ұйымдардың банк операцияларын жүргізу үшін біліктілік талаптарын, сондай-ақ көрсетілген біліктілік талаптарына сәйкестігін растайтын құжаттар тізбесін бекіту туралы» Агенттік Басқармасы қаулысының жобасын әзірледі.
Қаулының жобасы «Қазақстан Республикасындағы банктер және банк қызметі туралы» ҚР Заңының жобасын іске асыру үшін әзірленді.
Жобамен банк операцияларының жекелеген түрлерін жүзеге асыратын ұйымдарға лицензия беру тәртібі бекітіледі.
Қаулы жобасының толық мәтінімен «Ашық НҚА» интернет-порталында және Агенттіктің ресми интернет-ресурсында танысуға болады.
Сыртқы коммуникациялар басқармасы