Агенттік өкілдері ТМД елдерінің сақтандырып қадағалау органдарының іс шараларына қатысты

2026 жылғы 28–30 қыркүйекте Ереванда ТМД елдерінің сақтандырып қадағалау органдарының іс-шаралары өтті. ТМД-ға қатысушы мемлекеттердің сақтандырып қадағалау органдары басшыларының Мемлекетаралық үйлестіру кеңесінің жиырма екінші отырысы орталық кездесу болды. Кеңес сақтандырып қадағалау органдарының өзара іс-қимылына, тәжірибе алмасуға және Достастық мемлекеттерінің сақтандыру нарықтарын реттеу мен дамытудың өзекті мәселелерін талқылауға арналған алаң болып табылады.

Іс-шараларға Армения, Беларусь, Қазақстан, Қырғызстан, Ресей, Тәжікстан, Өзбекстан, сондай-ақ ТМД Атқарушы комитеті мен кәсіби сақтандыру қоғамдастығының өкілдері қатысады. Қаржы нарығын реттеу және дамыту агенттігінің атынан Сақтандыру нарығы және актуарлық есеп айырысу департаментінің директоры, Кеңес мүшесі Әсел Әмірбаева қатысты.

Кеңес отырысы аясында қатысушылар ТМД елдеріндегі ағымдағы экономикалық жағдайды, сақтандыру нарықтарының жай-күйін және сақтандырып қадағалау органдары қызметінің негізгі бағыттарын, сондай-ақ сақтандыру саласындағы одан әрі өзара іс-қимылдың басым бағыттарын талқылады.

Сақтандыру нарықтарында автоматтандырылған ақпараттық жүйелердің жұмыс істеу мәселелеріне, ұлттық мемлекеттік қайта сақтандыру компанияларын құру тәжірибесі мен қызметіне, сондай-ақ сақтандыру қызметінің мақсаттары үшін ТМД елдері арасында ақпарат алмасу тетіктерін дамытуға ерекше назар аударылды.

Сақтандыру саласындағы кадрларды даярлау, кәсіптік қайта даярлау және олардың біліктілігін арттыру мәселелері, сақтандыру қызметінің мақсаттары үшін Ақпарат алмасу тәртібі туралы келісімнің  жобасын пысықтау жөніндегі жұмыс тобының қызметі, сондай-ақ Кеңес жұмысының одан әрі бағыттары қаралды.

Кеңестің іс-шаралары шеңберінде ТМД-ға қатысушы мемлекеттердің сақтандырып қадағалау органдарының қадағалау блогы бөлімшелері басшыларының оныншы семинары және Актуарлық саланы реттеу және қадағалау жөніндегі жұмыс тобының отырысы өткізілді. Қатысушылар өмірді сақтандыруды реттеу, іс-қимылды қадағалау және тәуекелдерді бағалау, заманауи қадағалау тәсілдері мен ЖИ технологияларын қолдану, сақтандыру ұйымдарымен ақпараттық өзара іс-қимыл жасау, сондай-ақ актуарлық саланы реттеу мен қадағалауға арналған тәсілдерді жетілдіру сияқты сақтандырып  қадағалау және актуарлық қызметті дамытудың өзекті мәселелерін талқылады.

Агенттіктің осы іс-шараларға қатысуы ТМД елдерінің сақтандырып қадағалау органдары арасында практикалық тәжірибе алмасуға, кәсіби өзара іс-қимылды дамытуға және сақтандыру нарығында реттеу мен қадағалау тәсілдерін жетілдіруге ықпал етеді.