Қаржы нарығы мен қаржы ұйымдарының қаржылық тұрақтылығын қамтамасыз ету және қаржы жүйесіне деген сенімділікті сақтау Қазақстан Республикасы Қаржы нарығын реттеу және дамыту агенттігінің (бұдан әрі – Агенттік) басты мақсаты болып табылады. Айқын, ашық, дәйекті қадағалау саясаты және оның негізгі бағыттары көрсетілген мақсатқа жетудің маңызды элементі болып табылады.
Бұл құжат қаржы реттеушісінің қызметіндегі ашықтықты және қаржы нарығы қатысушыларының алдағы жылға арналған қадағалау қызметіндегі негізгі басымдықтар туралы хабардарлығын арттыруға бағытталған.
Қадағалау қызметінің негізгі басымдықтары тұтынушылардың құқықтарын қорғау, нарықтық тұтастықты арттыру және әділ бәсекелестік құру мақсатында ресурстарды пропорционалдылық, ашықтық және тиімді пайдалану қағидаттарына негізделген.