Алматыда Жаңару күніне орай экологиялық акция өтті

Қазақстан Республикасының Ұлттық кітапханасы ғимаратында Наурызнама онкүндігі аясында Жаңару күніне орай көгалдандыру акциясы ұйымдастырылды. Іс-шара барысында кітапхана маңындағы аумаққа жас көшеттер отырғызылып, абаттандыру және тазалық жұмыстары жүргізілді.

Қатысушылардың айтуынша, осындай игі іс-шаралар қоғамда экологиялық мәдениетті нығайтып, табиғатқа жанашырлықпен әрі жауапкершілікпен қарауға ықпал етеді. Бұл акция қоршаған ортаны қорғау жолындағы ортақ жауапкершіліктің нақты көрінісіне айналды.

 

ҚР Мәдениет және ақпарат министрлігінің баспасөз қызметі