Патриотизм, достық және спорт: аудандық сауықтыру орталығында «Зарница» әскери-спорттық ойыны өтті

Балаларға арналған «Күншуақ» жазғы сауықтыру орталығында дәстүрлі «Зарница» әскери-спорттық ойыны ұйымдастырылды.

Бұл жарқын әрі есте қаларлық шара барлық жасақтарды біріктіріп, қатысушыларға сергектік, бәсекелестік рухы мен достық сезімін сыйлады.

«Зарница» – жай ғана жарыс емес, бұл – нағыз ерлікке, тәртіпке және өзара көмекке үйрететін сабақ.

Балалар мергендік, ептілік, жергілікті жерде бағдарлану, кедергілер жолағын еңсеру, «жаралыларға» алғашқы медициналық көмек көрсету және «құпия хабарламаларды» жеткізу секілді тапсырмаларда бақ сынады.
Сондай-ақ дәстүрлі сап түзеу және ән байқауы да өтті, онда жасақтар ұйымшылдық пен саптық дайындықтарын көрсетті.

Қатысушыларға қолдау білдіруге вожатыйлар, тәрбиешілер және лагерге жақын маңда демалып жатқан ата-аналар да келді. Барлық командалар жоғары дайындық пен ынтымақ танытты.

Жарқын эмоциялар, жаңа достар және ұмытылмас сәттер балалардың жадында ұзақ сақталатыны сөзсіз.

«Зарница» ойыны тағы да дәлелдеді: қазіргі заман жағдайында да патриоттық және спорттық іс-шараларға деген қызығушылық төмендемей, керісінше артып келеді.

Ұйымдастырушылар бұл дәстүрді жалғастырып, келесі жылы ойынды тағы да ауқымды түрде өткізуді жоспарлап отыр.