Ақмолалық оқушылар Мемлекет басшысына экологиялық жобаларын ұсынды

Бүгін Астанада экология мен тұрақты даму мәселелеріне қоғам назарын аударуға бағытталған ауқымды «Таза Қазақстан» эко-фестивалі өтті. Іс-шараға Қазақстан Республикасының Президенті Қасым-Жомарт Кемелұлы Тоқаев қатысты.

Фестиваль аясында Ақмола облысындағы «Bolashaq saraiy» оқушылары екі бірегей жобаларын ұсынды.

Бірінші жоба — FOREST FIRE ALARM SYSTEM — орман өрттерінің алдын алу және ерте анықтауға бағытталған. Жүйе орман алқаптарына орнатылған температура, түтін және иондық датчиктердің көмегімен қауіп-қатерді уақтылы анықтауға және өрттің таралуын болдырмауға мүмкіндік береді.

Жоба авторлары: Ерікұлы Ескендір, Ильясов Арнур, Асылбек Мұхамед.

Жетекшісі: Қожахметов Мұратбек Бейсембайұлы.

Екінші жоба — GREEN BOTTLE — пластикалық бөтелкелерді 3D-баспаға жарамды жіпке қайта өңдеудің инновациялық тәсілін ұсынады. Жоба пластикалық қалдықтарды азайтуға және «жасыл» технологияларды дамытуға бағытталған, қайта өңдеу үдерісін пайдалы әрі қызықты етеді.

Жоба авторлары: Қайрат Ерасыл, Жамбулов Санжар

Жетекшісі: Аминов Алихан Булатович